National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Бүгін Қазақстан Президенті Нұрсұлтан Назарбаев Шетел инвесторлары кеңесінің алда болатын отырысына қатысушылармен кездесу өткізді

2013 жылғы 21 мамыр

Кездесуге Еуропалық аэроғарыш және қорғаныс концернінің (EADS) басшылары ­- президенті Томас Эндерс, халықаралық даму жөніндегі бас атқарушы директоры Жан-Пьер Таламони, сондай-ақ, «Эйрбас» компаниясының бас атқарушы директоры Джон Лихи және  «EADS Қазақстан» бас директоры Сильвер Дэлонэ қатысты.

Кездесу барысында аэроғарыш саласындағы өзара іс-қимылды дамыту перспективалары талқыланды.

Мемлекет басшысы Қазақстанның аталған компаниялармен ынтымақтастығы жақсы қарқынмен дамуда екенін атап өтті.

- Сіздердің делегация құрамында келулеріңіз бұл жұмыс жалғасын табатынын білдіреді. Біз бұған дейін де менің Парижге сапарым барысында кездестік. Жасалған келісімдер ынтымақтастығымыздың аясы дәйектілікпен ұлғая түсетінін көрсетеді, - деді Нұрсұлтан Назарбаев.

Өз кезегінде компаниялар өкілдері Қазақстан Президентіне қабылдауы үшін алғыс айтып, қазақстандық серіктестерімен ықпалдастықтың табысты екендігі туралы хабардар етті.

EADS – аэроғарыш өнеркәсібіндегі ірі корпорация және жолаушылар, жүк және әскери-транспорт ұшақтары өндірісімен айналысатын «Эйрбас» компаниясының бірден-бір акционері болып саналады.      


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің